ჰამასი გეგმავდა 11 სექტემბრის მსგავს შეტევას ისრაელზე, რომელიც ბევრად უფრო სასიკვდილო იქნებოდა, ვიდრე 7 ოქტომბრის ხოცვა-ჟლეტა, რომელიც მოხდა 2023 წელს, ნათქვამია Washington Post-ის ექსკლუზიურ მასალაში,  რომელიც სავარაუდოდ ეყრდნობა ისრაელის ოფიციალური პირების მიერ აღმოჩენილ ჩანაწერებს.

ენით აუწერელი იყო ის საშინელება, რომელსაც მსოფლიო 2023 წლის 7 ოქტომბერს შევესწარით. ცივ სისხლიანად და ბრუტალურად ამოხოცილი სიცოცხლე. დანგრეული ოჯახები. გატაცებული მოქალაქეები.  ჰამასის  უსასტიკესმა ბოროტებამ შოკი და ღრმა ტკივილი დაგვიტოვა. მაგრამ დღეს ჩვენ კიდევ უფრო საშინელი რამ გავიგეთ – ჰამასი ბევრად უარესს გეგმავდა!

ღაზაში ისრაელის ძალების მიერ მოპოვებულ დაზვერვაზე დაფუძნებული ბოლო მოხსენების თანახმად, ჰამასი გეგმავდა 11 სექტემბრის მსგავს თავდასხმას ისრაელზე, რომელიც მიზნად ისახავდა მასშტაბური ნგრევისა და სიკვდილის გამოწვევას. ტერორისტების გეგმა იყო მოშე ავივის კოშკის-  თელ-ავივის ერთ-ერთი ყველაზე მაღალი შენობის აფეთქება,  რომელსაც ათასობით ადამიანის სიცოცხლე შეეწირებოდა. ისრაელის ოფიციალური პირების მიერ აღმოჩენილი ჩანაწერები აჩვენებს  ზედმიწევნითს გეგმას, რომელიც   წლების წინ არის შედგენილი.

ამ მიზნის მისაღწევად ჰამასის ლიდერები აქტიურად ითხოვდნენ დახმარებას ირანისგან, მოლას რეჟიმს ევედრებოდნენ  ფინანსურ და სამხედრო დახმარებას და ჰპირდებოდნენ, რომ „ორ წელიწადში გაანადგურებდნენ ისრაელს“.  ეს დოკუმენტები, ეს წერილები ირანისადმი, კიდევ ერთხელ აჩვენებს  მათი სიძულვილის სიღრმეს, მათ უსაზღვრო ბოროტებას.

ჰამასის ღაზას მეთაური იაჰია ალ-სინვარი (ღაზის გვირაბებში დამალულია) და ჰამასის ლიდერი ისმაილ ჰანიე (ლიკვიდირებულია)

და დღეს, როდესაც ისრაელი თავს იცავს, ის დგას ტერორიზმის წინააღმდეგ გლობალური ბრძოლის ფრონტზე. შეერთებულმა შტატებმაც კარგად  იცის ტერორიზმის ფასი და ყოველთვის აქტიურობდა მის წინააღმდეგ.

ამერიკა, ევროპა და ისრაელი იზიარებენ ერთსა და იმავე ღირებულებებს – თავისუფლებას, სიცოცხლეს და მშვიდობისკენ სწრაფვას. ისრაელის გვერდით დგომით, აშშ და ევროპა  მხოლოდ მოკავშირეს არ უჭერენ მხარს; ისინი იცავენ საკუთარ მომავალსაც. როდესაც ისრაელში ტერორს უპირისპირდებიან, ეს არის გამარჯვება ყველასთვის, ვინც პატივს სცემს თავისუფლებას, მშვიდობასა და კეთილდღეობას.

ამიტომ არის არა მხოლოდ ბუნებრივი, არამედ აუცილებელიც ამერიკისთვისა და ევროპისთვის  ამ ბრძოლაში მტკიცედ დადგნენ ისრაელის გვერდით, რადგან ეს ეხება თავისუფალი სამყაროს დაცვას.

Recommended Posts

მსოფლიო

ტრამპის ღაზის გეგმა – შოკშია მისი გარემოცვაც კი

აშშ-ის პრეზიდენტმა დონალდ ტრამპმა ღაზის სექტორის კონტროლის გეგმა და ანკლავის მაცხოვრებლების გადასახლება ბოლო წუთამდე მკაცრ საიდუმლოდ შეინახა და დეტალებს მხოლოდ უახლოეს მრჩევლებს უზიარებდა. ამის შესახებ ოთხშაბათს, 5 თებერვალს, The Wall Street Journal-მა ადმინისტრაციის ორ მაღალჩინოსანზე დაყრდნობით დაწერა. ტრამპის მხოლოდ რამდენიმე ყველაზე სანდო […]

Michael
მსოფლიო

პოდკასტი #1: სიტუაციის მიმოხილვა ბეიტ ჰანუნში,  ღაზის სექტორის ჩრდილოეთ ნაწილში

IDF ანახლებს ბრძოლებს  ბეიტ ჰანუნში, ღაზის სექტორის ჩრდილოეთ ნაწილში, მაგრამ IDF ხაზს უსვამს: ამჯერად რეიდები  საფუძვლიანია – „მიზანი არის ამ ტერიტორიის ერთხელ და სამუდამოდ გაწმენდა“.

Michael