შაბათს, 26 ოქტომბერს, ღამით, ისრაელმა იერიში მიიტანა ირანში სამხედრო ობიექტებზე – 1-ლი ოქტომბერის ირანის თავდასხმის საპასუხოდ. IDF-მა ოფიციალურად განმარტა, რომ დარტყმები განხორციელდა მხოლოდ სამხედრო ობიექტებზე და არა ბირთვულ ან ენერგეტიკულ ობიექტებზე. შეტევა მოხდა  რამდენიმე ეტაპად („ტალღოვანი“) და გაგრძელდა სამი საათი.

თეირანზე თავდასხმების პირველი ცნობები დაახლოებით 02:00 საათზე მოვიდა. ირანის დედაქალაქის მაცხოვრებლები პანიკურად გამოვიდნენ ქუჩებში. პარალელურად გავრცელდა ცნობები სირიაში (დამასკოში) და ერაყში აფეთქებების შესახებ. სირიაში საჰაერო თავდაცვის სისტემებს დაესხნენ თავს.

დაახლოებით 06:00 საათზე ითქვა, რომ ისრაელის მისია დასრულებულია. “20-ზე მეტ ობიექტს დაესხნენ თავს”, – განმარტა ისრაელის წყარომ. დაკონკრეტდა, რომ თავდასხმა მოხდა  საჰაერო თავდაცვის სისტემებზე, რაკეტებისა და თავდასხმის დრონების წარმოების ქარხნებზე, რაკეტების გამშვებ პუნქტებზე, სამხედრო ბაზებსა და ობიექტებზე თეირანის საერთაშორისო აეროპორტის მიდამოში.

ისრაელის სამხედრო კომენტატორებმა მოგვიანებით განაცხადეს, რომ თავდასხმები მიზნად ისახავდა ირანის მთავარ სამხედრო ინდუსტრიულ ობიექტებს, მათ შორის რაკეტებისა და დრონების ქარხნებსა და ბალისტიკური რაკეტების გაშვების ბაზებს. თავის მხრივ, ირანული ოპოზიციური მედია იტყობინება, რომ  თავდასხმები ისლამური რევოლუციის გვარდიის კორპუსის სამხედრო ცენტრებზე, ლოჯისტიკურ ცენტრებსა და სასწავლო ბაზებზეც მოხდა.

ოპერაციაში IDF-ის ათობით მებრძოლი და თვითმფრინავი მონაწილეობდა. ისინი ყველა უვნებლად დაბრუნდნენ სახლში, არავინ დაშავებულა. აღსანიშნავია, რომ ოპერაციაში 4 ქალი პილოტი მონაწილეობდა. ამით ეს იყო ასევე ერთგვარი დარტყმა ფუნდამენტალიზმზე.

ისრაელი ირწმუნება, რომ ირანმა ვერ გაიგო, რა და როგორ მოხდა, ადგილობრივი მოსახლეობა პანიკაში ჩავარდა, რადგან თეირანში არც გამაფრთხილებელი სისტემები (სირენები) აქვთ და არც ინფორმაცია ვრცელდება.

ეს არის პირველი თავდასხმა თეირანზე 1988 წლის ირან-ერაყის ომის დასრულების შემდეგ.

ისრაელის წყაროები განმარტავენ,  რომ შეერთებული შტატები წინასწარ გააფრთხილეს დარტყმის შესახებ და  მზადება კოორდინირებული იყო ამერიკელებთან, მიუხედავად სკანდალისა პენტაგონიდან ინფორმაციის გაჟონვის შესახებ. თეთრმა სახლმა ისრაელის ქმედებებს “თავდაცვა” უწოდა. სამხედრო ასპექტში ამერიკელები არ მონაწილეობენ ირანში IDF-ის ოპერაციაში.

აშშ-ს ეროვნული უშიშროების საბჭოს სპიკერმა ჯონ კირბიმ თქვა:

„ჩვენი ერთგულება ისრაელის უსაფრთხოებასთან დაკავშირებით მტკიცეა, რაც ნიშნავს ცვლილებების შეტანას ძალადობრივი განლაგების მიზნით, რომლებიც, ჩვენი აზრით, უნდა განხორციელდეს ისრაელის თავის დაცვაში“.

► IDF-ის ოფიციალური განმარტება:

IDF-ის პრესსამსახურის ხელმძღვანელმა, ბრიგადის გენერალმა დანიელ ჰაგარმა შაბათს, 26 ოქტომბერს განაცხადა, რომ IDF-მა ღამის ოპერაცია ირანში, სახელწოდებით „მონანიების დღეები“ წარმატებით დაასრულა. ”ისრაელის შეიარაღებულმა ძალებმა მიზანმიმართული დარტყმები განახორციელეს სამხედრო ობიექტებზე ირანის ზოგიერთ რაიონში, ყველა ჩვენი თვითმფრინავი უსაფრთხოდ დაბრუნდა თავის ბაზებზე”- ნათქვამია ჰაგარის განცხადებაში.

„ისრაელის სახელმწიფო იტოვებს უფლებას დაიცვას თავისი მოქალაქეები, თუ ირანის რეჟიმი განაგრძობს თავდასხმებს ჩვენს ქვეყანაზე“-შეაჯამა ჰაგარმა.
 

ფაციტი:

როგორც ჩანს, ისრაელის შეტევა ირანზე იყო “მოთელვა”:

განადგურდა საჰაერო თავდაცვა

გაანადგურეს რუსული S-300 და S-400 საჰაერო თავდაცვის რადარები ირანში

განადგურდა შაჰიდების ქარხანა, საწყობი.

ახლა, როდესაც ირანის საჰაერო თავდაცვა მთლიანად დაბრმავებულია, ისრაელს შეუძლია თავისუფლად შეუტიოს მის ბირთვულ ობიექტებს.