ისრაელში არის მნიშვნელოვანი დღესასწაული ფურიმი, რომლის დროსაც ებრაელები აღნიშნავენ იმ დღეებს, როდესაც მზაკვარმა ჰამანმა (ამალეკელთა გვარის წარმომადგენელმა) ებრაელთა ამოწყვეტა განიზრახა, წილი ყარა, თუ რომელ დღეს განახორციელებდა თავის ჩანაფიქრს. ეს მოხდა ბაბილონის მეფე ახაშვეროშის ჟამს.
ებრაელები აჯანყდნენ და ხოცვა-ჟლეტა მოუწყეს ამალეკებს, ჩამოახრჩვეს ჰამანი და მისი შვილები და ყველას ყურები მოჭრეს. რათა სხვებს არ გაებედათ ებრაელების შეურაცხყოფა. ლეგენდის თანახმად, მაშინ დაიღუპა 72 000 ადამიანი. * თუ მეტი და ღრმად გინდათ გაიგოთ, ბიბლიაში, ძველ აღთქმაში ნახავთ – ესთერის თავს, რომელიც 10 გვერდისგან შედგება მგონი, 15 წუთში წაიკითხავთ და სიღრმისეულ ცოდნას მიიღებთ.
ასე რომ, ფურიმი არის დღე, როცა ებრელები ჰამანის ჩანაფიქრის ჩაფუშვასა და თავიანთ გადარჩენას ზეიმობენ. ფურიმზე კითხულობენ ესთერის წიგნს, ხმაურობენ, სვამენ ღვინოს და ხარობენ. რადგან მტრების სიკვდილი და მათზე გამარჯვება ყოველთვის ბედნიერება და სასიხარულოა.
ასევე ჭამენ “ამანის ყურებს” (ივრითულად – “ოზნეი ჰამანს” -ს) – სპეციალურ სამკუთხა ნამცხვრებს ტკბილი შიგთავსით და იცვამენ სხვადასხვა კოსტიუმს. ფურიმი კარნავალის დღესასწაულია. ბავშვებს ის ძალიან უყვართ და, როგორც წესი, იცვამენ სუპერგმირების ფორმებს.
ფოტოზე კი არის შინი, რომელიც პატარა ასაკიდან ოცნებობდა გამხდარიყო საბრძოლო ვერტმფრენის პილოტი და ფურიმისთვისაც კი ამ ფორმაში იყო გამოწყობილი. დღეს მისი ოცნება ასრულდა, კურსი დაასრულა და ისრაელის ერთ-ერთი სამხედრო ვერტმფრენის პილოტია!
